हाम्रो बारेमा

वि.सं. २०५४ साल चैत्र १६ गते स्थापना भएको हाम्रो संस्था सदस्यहरूको विश्वास, सुशासन, पारदर्शिता तथा सहकारी सिद्धान्तप्रतिको प्रतिबद्धताका साथ नयाँ प्रविधि र डिजिटल युगसँगै निरन्तर अगाडि बढ्दै आएको छ। काठमाडौं कार्यक्षेत्रभित्र सञ्चालन हुँदै आएको संस्थाले बचत, ऋण, डिजिटल भुक्तानी सेवा तथा सदस्य केन्द्रित विविध वित्तीय सेवामार्फत हजारौं सदस्यहरूको आर्थिक समृद्धिमा योगदान पुर्‍याउँदै आएको छ।

हामी बचतलाई सुरक्षित भविष्यको आधार र ऋणलाई समृद्धिको साधनको रूपमा विश्वास गर्दछौं। त्यसैले संस्थाले कृषि, व्यवसाय, स्वरोजगार, शिक्षा, आवास तथा अन्य आयमूलक क्षेत्रमा सरल, सहज र सदस्यमैत्री ऋण सुविधा उपलब्ध गराउँदै आएको छ। सही योजना, उचित लगानी र जिम्मेवार उपयोगमार्फत ऋणले सदस्यको आर्थिक विकास, रोजगारी सिर्जना तथा आत्मनिर्भरता अभिवृद्धिमा महत्वपूर्ण योगदान पुर्‍याउने हाम्रो विश्वास रहेको छ।

वर्तमान डिजिटल युगलाई आत्मसात गर्दै संस्थाले मोबाइल बैंकिङ, डिजिटल भुक्तानी सेवा, अनलाइन सेवा प्रवाह, विद्युतीय अभिलेख व्यवस्थापन तथा आधुनिक प्रविधिमा आधारित सेवाहरू विस्तार गरिरहेको छ। यसबाट सदस्यहरूले जहाँसुकै र जुनसुकै समयमा सुरक्षित, छिटो र सहज रूपमा सेवा प्राप्त गर्न सक्ने वातावरण निर्माण भएको छ।

आज संस्थाले हासिल गरेको सफलता सदस्यहरूको अटल विश्वास, कर्मचारीहरूको समर्पण, सञ्चालक समितिको दूरदर्शी नेतृत्व तथा शुभेच्छुकहरूको निरन्तर सहयोगको परिणाम हो। यस योगदानका लागि सम्पूर्ण सदस्य तथा सरोकारवालाप्रति हार्दिक आभार व्यक्त गर्दछु। यस अवसरमा संस्थाको विकास यात्रामा प्रत्यक्ष तथा अप्रत्यक्ष रूपमा योगदान पुर्‍याउनुहुने सम्पूर्ण सदस्य, पूर्व पदाधिकारी, कर्मचारी, शुभेच्छुक तथा सहकारी अभियन्ताहरूप्रति हार्दिक कृतज्ञता व्यक्त गर्दछु।

आगामी दिनमा पनि नयाँपाटी बचत तथा ऋण सहकारी संस्था लिमिटेडलाई अझ प्रविधिमैत्री, सदस्यमुखी, पारदर्शी र विश्वसनीय संस्थाको रूपमा विकास गर्दै उत्पादनशील ऋण लगानीमार्फत सदस्यहरूको आर्थिक समृद्धि र आत्मनिर्भर जीवन निर्माणमा अग्रणी भूमिका निर्वाह गर्ने हाम्रो दृढ संकल्प रहेको छ।

तपाईंहरूको निरन्तर विश्वास, सुझाव र सहकार्यको अपेक्षासहित।

नयाँपाटी बचत तथा ऋण सहकारी संस्था लिमिटेडले लामो समय देखि सेवा प्रवाह गर्ने क्रममा विभिन्न आरोह अवरोह पार गर्दै राष्ट्रिय तथा अन्तराष्ट्रिय पहिचान कायम गर्न सफल भएको छ । संस्थाले राष्ट्रिय रुपमा प्राप्त सम्मान, पुरस्कार मायाँ विश्वासको परिणाम हो । यस अवधिमा संस्थाको सदस्यहरुले सुनिश्चित भएर बचत तथा ऋण र अन्य वित्तिय सेवा प्रवाह गर्न सफल भई सम्पूर्ण वित्तिय समाधानको पहिलो छनांैट नयाँपाटी साकोस वनाउने कार्यमा निरन्तर प्रतिवद्धता जनाउदै सदस्य सन्तुस्ती र गुणस्तरिय सेवा प्रदानमा प्राथमिकता राख्दै सोही अनुरुप व्यवस्थापन प्रणालीलाई विकास गर्दै लगिएको छ । यसलाई थप प्रभावकारी व्यवस्थापनको लागि सम्पूर्ण सदस्य तथा शुभचिन्तकहरुमा रचनात्मक सल्लाह सुझाव प्रदान गरी मार्गनिर्देशन गरीदिनुहुन अनुरोध छ । हामी सम्पूर्ण कर्मचारीहरु सदैव संस्थामा आवद्ध सदस्यहरुको आवस्यकता र सन्तुस्टिमा केन्दित भई गुणस्तरीय सेवा सुविधा सहज रुपमा उपलव्ध गराउन प्रतिबद्ध छौं ।