संस्थामा बचत गरेको आवधिक बचतको आधारमा प्रदान गरिने ऋणलाई आवधिक ऋण भनिनेछ ।
घर निर्माण, मर्मत तथा थप गर्न प्रदान गरिने ऋणलाई आवास ऋण भनिनेछ ।
नगदेवाली, तरकारी खेती, फलफुल खेती, कुखुरापालन, माछापालन, पशुपालन आदि कार्यका लागि प्रदान गरिने ऋणलाई कृषि तथा पशुपालन ऋण भनिनेछ ।
धार्मिक तथा सामाजिक कार्य, आकस्मिक, औषधिउपचार, चाडपर्व र अन्य भैपरि आउने कार्यका लागि प्रदान गरिने ऋणलाई घरायसी ऋण भनिनेछ ।
बिक्री प्रयोजन वा अचल सम्पत्ति निर्माणको लागि जग्गा खरिद गर्नको लागि प्रदान गरिने ऋणलाई जग्गा खरिद ऋण भनिनेछ ।
संस्थामा सदस्यले राखेको बचत र शेयर रकमको आधारमा साथै अर्को सदस्य धनजमानी राखी प्रदान गरिने ऋणलाइ सदस्य धनजमानी ऋण भनिनेछ । कृषि तथा पशुपालन ऋण, व्यवसायिक ऋण, वैदेशिक रोजगार ऋण, हायर पर्चेज ऋण, आवास ऋण, शैक्षिक ऋण, जग्गा खरिद ऋण, घरायसी ऋण शिर्षकमा सदस्य धनजमानी ऋण प्रदान गरिनेछ ।
विदेशमा रोजगारको लागि जान प्रदान गरिने ऋणलाई वैदेशिक रोजगार ऋण भनिनेछ ।
किराना तथा उपभोग्य पसल, होटल, तालिम केन्द्र, घरेलु तथा साना उद्योग, कलकारखाना, सेवामूलक व्यवसाय (स्कुल, कलेज, अस्पताल, औषधी पसल आदि) लगायतका व्यापार व्यवसायमा प्रदान गरिने ऋणलाई व्यवसायिक ऋण भनिनेछ ।
उच्च शिक्षा आर्जन गर्नको लागि प्रदान गरिने ऋणलाई शैक्षिक ऋण भनिनेछ ।
निजी प्रयोजन वा व्यवसायिक प्रयोजनका लागि सवारीसाधन खरिद गर्नको लागि प्रदान गरिने ऋणलाई हायर पर्चेज ऋण भनिनेछ ।
कार्यालयमा सम्पर्क गर्नुहोस् — तपाईंको आवश्यकता अनुसार उपयुक्त बचत वा ऋण शीर्षक छनौट गर्न सहयोग गर्नेछौं ।
सम्पर्क गर्नुहोस्